Oliy va o‘rta maxsus ta’lim vazirligi markaziy apparati kengaytirilib, vazifalar qayta taqsimlandi

Prezidentning “Oliy va o‘rta maxsus ta’lim vazirligi boshqaruvi tizimini takomillashtirish chora-tadbirlari to‘g‘risida”gi qarori bilan Oliy va o‘rta maxsus ta’lim vazirligi markaziy apparati kengaytirilib, vazifalar qayta taqsimlandi. Bu haqda vazirlik matbuot xizmati xabar berdi.

Jumladan:

• Oliy va o‘rta maxsus ta’lim vazirining professional ta’limni rivojlantirish masalalari bo‘yicha o‘rinbosari lavozimi kiritildi;
• Professional ta’lim-o‘quv metodik muvofiqlashtirish bosh boshqarmasi negizida Professional ta’lim muassasalari faoliyatini muvofiqlashtirish departamenti tashkil etildi.

• Ma’naviyat va ma’rifat markazi — Talaba va o‘quvchilarning ma’naviy yuksalishiga ko‘maklashish markazi;
• Ta’lim muassasalarida elektron ta’limni joriy etish markazi — Raqamli ta’lim texnologiyalarini rivojlantirish markazi deb qayta nomlangan.

• oliy va o‘rta maxsus ta’lim vazirining professional ta’limni rivojlantirish masalalari bo‘yicha o‘rinbosari bir vaqtning o‘zida Professional ta’lim muassasalari faoliyatini muvofiqlashtirish departamenti direktori hisoblanadi;

• vazirlik tizimidagi professional ta’lim muassasalari faoliyatiga rahbarlik qiladi, ularda ish samarali tashkil etilishini ta’minlaydi, yuklatilgan vazifalar va funksiyalar to‘liq bajarilishi uchun shaxsan javob beradi.