Samarqand viloyati Samarqand shahrida 17-iyun kuni “Vaz-2106” va tez yordam mashinasi o‘rtasida yo‘l-transport hodisasi sodir bo‘ldi. Bu haqda viloyat Ichki ishlar boshqarmasi xabar qildi.
Qayd etilishicha, holat shu kuni Samarqand shahar Buyuk ipak yo‘li hamda Narpay ko‘chalari chorrahasida sodir bo‘lgan. “Vaz-2106” hamda Toyota tez yordam transport vositalari to‘qnashib ketgan. Voqea vaqtida tez yordam mashinasi ichida bemorlar bo‘lmagan.
YTH oqibatida mashinalarga shikast yetgan, jarohat olganlar yo‘q.
Holat yuzasidan surishtiruv harakatlari olib borilmoqda.