Ижтимоий тармоқларда Наманган шаҳрида «Жигули» ва MAN юк машинаси иштирокида содир бўлган йўл-транспорт ҳодисаси тасвирланган видеолар тарқалди. Вилоят ЙҲХБ ҳолат юзасидан расмий маълумот берди.
Маълум қилинишича, Янги Наманган тумани ҳудудидан ўтган 4Р-117 автомобиль йўлининг 26-километрида «ВАЗ-21011» русумли автомашинаси ва MAN русумли юк автомашинаси иштирокида тўқнашув содир бўлган. Ҳодиса натижасида ҳар икки автоулов техник шикастланган ва «ВАЗ-21011» автомобилининг ҳайдовчиси жароҳат олиб, шифохонага юборилган. Ҳозирда ЙТҲ юзасидан дастлабки суриштирув ишлари олиб борилмоқда.
Шунингдек, Наманган шаҳар «Ёшлар маркази» чорраҳасида Nexia ва Lacetti автомашиналари иштирокида ҳам тўқнашув содир бўлган. ЙТҲ оқибатида ҳар икки транспорт воситаси техник шикастланган. Ҳайдовчи ва йўловчилар орасида жабрланганлар йўқ.
Аввалроқ Самарқандда тез ёрдам машинаси ва «Жигули» тўқнашиб кетгани, Қашқадарёда «ЗИЛ» ва Nexia иштирокида содир бўлган ЙТҲ оқибатида йўловчи вафот этгани, Самарқандда Damas 9 ёшли болани уриб кетиб, ҳаётига зомин бўлгани тўғрисида хабар берилганди.
Изоҳ (0)