Isroilda uch yil ichida beshinchi marta yana qayta saylovlar o‘tkaziladi.
Dushanba kuni Isroil bosh vaziri Naftali Bennet kelasi hafta Knesset (parlament)ni tarqatib yuborishini va hukumatni iste’foga chiqarishini e’lon qildi. Shunday qilib, sakkiz partiyadan iborat koalitsiyani saqlab qolish uchun ko‘p oylik urinishlar muvaffaqiyatsiz tugadi.
“Biz, do‘stim tashqi ishlar vaziri Yair Lapid bilan Knessetni tarqatib yuborish va kelishilgan muddatda yangi saylovlar o‘tkazish bo‘yicha hamkorlik qilishga qaror qildik”, — deydi Bennet.
Yair Lapid yangi saylovlar o‘tkazilgunga qadar bosh vazir vazifasini bajaruvchi sifatida ishlaydi.
“Saylovgacha hali bir necha oy qolgan bo‘lsa ham, mamlakatimiz oldida turgan muammolar kutib turmaydi. Biz yuqori yashash sharoitlari muammosini hal qilishimiz, Eron, HAMAS va Hizbullohga qarshi kurashishimiz, Isroilni nodemokratik davlatga aylantirish bilan tahdid qilayotgan kuchlarga qarshi turishimiz kerak” — deydi u.
“Odamlar bugun quvonmoqda... Biz Isroil tarixidagi eng yomon hukumatdan qutulamiz” — deya yangi xabarni xursanchilik bilan kutib olgan sobiq bosh vazir Netanyaxu.
Yangi parlament saylovlari oktabr oyida bo‘lib o‘tishi kutilmoqda.
Izoh (0)