Исроилда уч йил ичида бешинчи марта яна қайта сайловлар ўтказилади.
Душанба куни Исроил бош вазири Нафтали Беннет келаси ҳафта Кнессет (парламент)ни тарқатиб юборишини ва ҳукуматни истеъфога чиқаришини эълон қилди. Шундай қилиб, саккиз партиядан иборат коалицияни сақлаб қолиш учун кўп ойлик уринишлар муваффақиятсиз тугади.
«Биз, дўстим ташқи ишлар вазири Яир Лапид билан Кнессетни тарқатиб юбориш ва келишилган муддатда янги сайловлар ўтказиш бўйича ҳамкорлик қилишга қарор қилдик», — дейди Беннет.
Яир Лапид янги сайловлар ўтказилгунга қадар бош вазир вазифасини бажарувчи сифатида ишлайди.
«Сайловгача ҳали бир неча ой қолган бўлса ҳам, мамлакатимиз олдида турган муаммолар кутиб турмайди. Биз юқори яшаш шароитлари муаммосини ҳал қилишимиз, Эрон, ҲАМАС ва Ҳизбуллоҳга қарши курашишимиз, Исроилни нодемократик давлатга айлантириш билан таҳдид қилаётган кучларга қарши туришимиз керак» — дейди у.
«Одамлар бугун қувонмоқда... Биз Исроил тарихидаги энг ёмон ҳукуматдан қутуламиз» — дея янги хабарни хурсанчилик билан кутиб олган собиқ бош вазир Нетаньяху.
Янги парламент сайловлари октябрь ойида бўлиб ўтиши кутилмоқда.
Изоҳ (0)