Путин ва Кабаеванинг ўғли Швейцария фуқаролигини олмайди, деб хабар бермоқда «ЧТД» Telegram-канали. Гап шундаки, мамлакат парламенти Швейцария ҳудудида туғилганларга фуқаролик тақдим этиш тўғрисидаги қонунни қабул қилишдан бош тортган.
Швейцариянинг SonntagsZeitung газетаси аввалроқ Кабаева 2015 ва 2019 йилларда Путиннинг икки ўғлини дунёга келтиргани ҳақида ёзганди. Улардан биринчиси Швейцариянинг Лугано шаҳарчасидаги нуфузли клиникада, иккинчиси эса Москвада туғилган.
Бу маълумотни Американинг Wall Street Journal нашри ҳам тасдиқлаган, аммо 2019 йилда Кабаева Москвада бир болани эмас, балки эгизакларни дунёга келтирганини маълум қилганди.
Алина Кабаева — «Национальная медиа группа» директорлар кенгаши раҳбари, бадиий гимнастика бўйича олимпия чемпиони (2004 йил), V ва VI чақириқ Давлат думасининг собиқ депутати.
Буюк Британия ҳукумати фикрича, Кабаеванинг «Путин билан яқин алоқаси бор». АҚШ эса The Wall Street Journal’га асосланиб, Кабаева Путиннинг «камида уч фарзандининг» онаси ва у «Путиннинг хориждаги шахсий мулкини яширишда» муҳим роль ўйнаши мумкин деб ҳисоблайди.
Таъкидлаш жоиз, Алина Кабаеванинг қиз фарзанди ҳам бор. 2018 йилда Москвада Алина Кабаева шарафига номланган «Газпром» чемпионлар кубоги учун бадиий гимнастика бўйича мусобақа бўлиб ўтган, у ерга Кабаева ўз қизалоғи билан ташриф буюрган эди.
Мавзуга доир:
- Канада Алина Кабаевага қарши санкциялар эълон қилди
- Британия Алина Кабаева ва Путиннинг собиқ рафиқаси Людмила Очеретнаяга қарши санкциялар эълон қилди
- Bloomberg: Брюссель Алина Кабаевага қарши санкциялар қўллашни таклиф қилди. Вашингтон Путиннинг «тажовузкор» муносабатидан хавфсираб, бу чорани кейинга қолдирганди
Изоҳ (0)