O‘zbekiston va Saudiya Arabistoni o‘rtasidagi futbol uchrashuvi munosabati bilan “Bunyodkor” stadioniga tutash ko‘chalar yopiladi

19-iyun kuni O‘zbekiston va Saudiya Arabistoni o‘rtasida U-23 Osiyo kubogining final bosqichi o‘tkazilishi munosabati bilan Chilonzor tumanining quyida keltirilgan ko‘chalarda soat 12:00 dan soat 24:00 gacha bo‘lgan vaqt oralig‘ida avtotransport vositalari harakati vaqtinchalik cheklanadi:

• Muqimiy va Chilonzor ko‘chalari chorrahasidan, Chilonzor va KHAY ko‘chalari chorrahasigacha bo‘lgan qismi;
• Muqimiy va Arnasoy ko‘chalari chorrahasidan, Cho‘ponota va Arnasoy ko‘chalari chorrahasigacha bo‘lgan qismi;
• Bunyodkor ikkinchi darajali ko‘chasidan Cho‘ponota ko‘chasigacha bo‘lgan qismi.

“Yuzaga kelayotgan noqulayliklar uchun uzr so‘raymiz va aylanma yo‘llardan harakatlanishni tavsiya qilamiz”, – deyiladi YHXX xabarida.