Ijtimoiy tarmoqlarda Toshkent shahrida joylashgan “Bunyodkor” stadioni kassalari oldida IIB va Milliy gvardiya xodimlari U-23 Osiyo Kubogi—2022 musobaqasining final o‘yiniga chipta sotib olish uchun kelgan fuqarolarga qarshi ko‘zni yoshlantiradigan gaz vositalardan foydalangani haqida xabarlar tarqaldi. Milliy gvardiya holatga munosabat bildirdi.
Qayd etilishicha, chipta sotib olish mobaynida tirbandlik yuzaga kelgan. Hududda xizmat olib borayotgan xodimlar jamoat tartibini saqlashni talab qilgan va ayrim fuqarolar tartibga chaqirilgan.
“Lekin hech qanday kuch ishlatish yoki maxsus vositalardan foydalanish holatlari bo‘lmagan.
Fuqarolar bilan tushuntirish ishlari olib borilib, tez orada ular tarqatilgan”, — deyiladi xabarda.
Mavzuga doir:
O‘zbekiston U-23 terma jamoasi finalda Saudiya Arabistoni terma jamoasi bilan to‘qnash keladi.
Izoh (0)