Bugun,

  • USD 10940.05
  • RUB 182.26
  • EUR 11121.65

Osiyo futboli konfederatsiyasi Tartib-intizom qo‘mitasi U-23 Osiyo Kubogi—2022 chorak finali doirasida o‘tkazilgan O‘zbekiston va Iroq terma jamoalari o‘rtasidagi o‘yinda yuz bergan holatlar bo‘yicha qaror chiqardi.

Foto: O‘FA

Foto: O‘FA

OFK Tartib-intizom qo‘mitasi yuzaga kelgan vaziyatlarni o‘rganib chiqib, O‘zbekiston U-23 terma jamoasi futbolchisi Abduvohid Ne’matovga nisbatan 3 ta o‘yinga chetlatish (diskvalifikatsiya) va jarima (500 AQSH dollari) intizom chorasini qo‘llash, Olimpiya terma jamoasining yarim final doirasida Yaponiyaga qarshi uchrashuvini muxlislarsiz o‘tkazish hamda O‘zbekiston futbol assotsiatsiyasiga jarima intizom chorasini qo‘llash yuzasidan qaror chiqardi.

Shuningdek, Tartib-intizom qaroriga ko‘ra, yarim final doirasidagi bahsga 500 nafargacha yaponiyalik futbol ishqibozlari kirishiga ruxsat berildi.

Bundan tashqari, O‘zbekiston – Iroq uchrashuvida stadionda xavfsizlikni yetarlicha ta’minlanmagani va OFK talablarini bajarilmagani uchun O‘FA 50 ming AQSH dollari miqdorida jarimaga tortiladi.

Eslatib o‘tamiz, Osiyo Kubogi—2022 1/4 finali doirasidagi Iroqqa qarshi kechgan bahsning birinchi bo‘lim boshida hakamning qarorlari va raqib futbolchilaridan norozi bo‘lgan ayrim muxlislar maydon hamda texnik hudud tomon qattiq buyumlarni uloqtirgandi.

Avvalroq uloqtirilgan jismlar tufayli bir nafar o‘zbekistonlik fotosuratchi va bir nafar xorijlik operator jarohat olgani xabar berilgandi.

Temur Kapadze shogirdlarining Yaponiyaga qarshi yarim final bahsi 15-iyun kuni soat 21:00 da boshlanadi.

Izoh
Asosiy yangiliklar
Mahalliy
Onlayn firibgarlik: fishing nima va undan qanday himoyalanish kerak?
Dunyo
Harbiy xizmatdan bosh tortganlik uchun 10 yilgacha qamoq: Putin safarbarlik yuzasidan qonun imzoladi
Dunyo
Borrel: Putinning yadroviy tahdidlarini jiddiy qabul qilish kerak