Qashqadaryo viloyatida fuqarolarni Qarshi mintaqaviy temir yo‘l uzeliga ishga kiritib qo‘yishni va’da qilgan firibgar ushlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departament hamda IIVning Qashqadaryo viloyat boshqarmalari tomonidan tezkor tadbir o‘tkazilgan. Unda fuqaro S.D. boshqa bir fuqarolar A. Q. va G‘.ni har birini 2 100 dollari evaziga tanishlari yordamida Qarshi mintaqaviy temiryo‘l uzeliga ishga kiritib qo‘yishni va’da qilgani aniqlangan. U jami 6 300 dollar hisobidan 69 million so‘mni o‘zining bank plastik kartasiga o‘tkazib olgan vaqtida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Andijon va Buxoroda fuqarolarni noqonuniy yo‘l bilan ish va o‘qishga kiritib qo‘ymoqchi bo‘lgan shaxslar ushlandi
- Buxoroda ikki fuqaroni Janubiy Koreyaga ishga yuborish uchun qariyb 10 ming dollar so‘ragan shaxs ushlandi
- Buxoroda tadbirkorlarni aldab, 51 ming dollar pulni qo‘lga kiritgan shaxs ushlandi
Izoh (0)