Қашқадарё вилоятида фуқароларни Қарши минтақавий темир йўл узелига ишга киритиб қўйишни ваъда қилган фирибгар ушланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департамент ҳамда ИИВнинг Қашқадарё вилоят бошқармалари томонидан тезкор тадбир ўтказилган. Унда фуқаро С.Д. бошқа бир фуқаролар А. Қ. ва Ғ.ни ҳар бирини 2 100 доллари эвазига танишлари ёрдамида Қарши минтақавий темир йўл узелига ишга киритиб қўйишни ваъда қилгани аниқланган. У жами 6 300 доллар ҳисобидан 69 миллион сўмни ўзининг банк пластик картасига ўтказиб олган вақтида ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)