Andijon viloyati Qo‘rg‘ontepa tumanida 13-iyun kuni qoramol chuqurlikka tushib ketdi. Bu haqda Favqulodda vaziyatlar vazirligi xabar qildi.
Qayd etilishicha, Qo‘rg‘ontepa tumani FVBga “Ma’murobod” mahallasida yashovchi fuqaro murojaat qilgan. U bir bosh qoramoli hovlisida qazilgan 3 metrlik chuqurga tushib ketganini aytib, uni olib chiqishda amaliy yordam so‘rgan.
Shunga ko‘ra, tumani FVB qutqaruvchilari aytilgan manzilga yetib borgan. Maxsus asbob-anjomlar yordamida jonzot talafotlarsiz chuqurdan chiqarib olingan.
Avvalroq Surxondaryoda quduqqa tushib ketgan qoramol chiqarib olingani, Shahrisabzda quduqqa tushib ketgan sigir olib chiqilgani haqida xabar berilgan.
Izoh (0)