Samarqand viloyati Past Darg‘om tumanida Damas avtomobili voyaga yetmagan bolani urib yubordi, deya xabar qilmoqda viloyat IIB matbuot kotibi Jahongir Sagdullayev.
Ma’lum qilinishicha, 2022-yil 24-may kuni Past Darg‘om tumani “Samarqand” MFY hududidan o‘tuvchi ichki yo‘lda haydovchi B.B. boshqaruvida bo‘lgan Damas bilan 2013-yilda tug‘ilgan voyaga yetmagan piyoda T.J.ni yo‘lni kesib o‘tayotgan vaqtida urib yuborib yo‘l-transport hodisasi sodir qilgan.
YTH oqibatida voyaga yetmagan T.J. tuman tibbiyot birlashmasining jonlantirish bo‘limiga yotqizilgan. Ko‘rsatilgan muolajalarga qaramay bemor vafot etgan.
Mazkur holat yuzasidan fuqaro B.B.ga nisbatan Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilib, hozirda tergov harakatlari olib borilmoqda.
Izoh (0)