Самарқанд вилояти Паст Дарғом туманида Damas автомобили вояга етмаган болани уриб юборди, дея хабар қилмоқда вилоят ИИБ матбуот котиби Жаҳонгир Сагдуллаев.
Маълум қилинишича, 2022 йил 24 май куни Паст Дарғом тумани «Самарқанд» МФЙ ҳудудидан ўтувчи ички йўлда ҳайдовчи Б.Б. бошқарувида бўлган Damas билан 2013 йилда туғилган вояга етмаган пиёда Т.Ж.ни йўлни кесиб ўтаётган вақтида уриб юбориб йўл-транспорт ҳодисаси содир қилган.
ЙТҲ оқибатида вояга етмаган Т.Ж. туман тиббиёт бирлашмасининг жонлантириш бўлимига ётқизилган. Кўрсатилган муолажаларга қарамай бемор вафот этган.
Мазкур ҳолат юзасидан фуқаро Б.Б.га нисбатан Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноят иши қўзғатилиб, ҳозирда тергов ҳаракатлари олиб борилмоқда.
Изоҳ (0)