Qashqadaryo viloyatining Shahrisabz shahridagi to‘yxonada pichoqlangan erkak voqeasi bo‘yicha tergov harakatlari boshlangan. Bu haqda “Daryo”ga viloyat IIB axborot xizmati rahbari Javlon Baxtiyev ma’lum qildi.
“2022-yilning 12-iyun kuni soat, taxminan, 21:30 da Shahrisabz shahri ‘Qushxona’ MFYda joylashgan ‘Billur’ to‘yxonasi oldida shaharning ‘Yangi hayot’ mahallasida yashovchi S.J. hamshahri ‘G‘alaba’ mahallasida yashovchi N.Q. va Shahrisabz tumanining ‘Loliston’ mahallasida yashovchi Q.A.lar bilan janjallashib qolgan. Janjalda N.Q. fuqaro S.J.ning o‘ng bilak sohasi va o‘ng oyoq boldir sohasiga pichoq bilan tan jarohati yetkazgan. Natijada S.J. tan jarohati olib, Shahrisabz shahar tibbiyot birlashmasi shifoxonasiga tushgan”, — deydi Javlon Baxtiyev.Qo‘shimcha qilinishicha, mazkur holat yuzasidan Shahrisabz shahar IIB huzuridagi Tergov bo‘linmasi tomonidan tergovga qadar tekshiruv harakatlari olib borilmoqda.
Izoh (0)