“Real” “Monako” futbolchisi Orelyen Tchuameni transferini tasdiqladi.
Madrid jamoasi xavbek bilan 6 yillik shartnoma imzoladi. “Qaymoqranglilar” futbolchi uchun fransuz jamoasiga 100 million yevrodan ortiq to‘lab bergani xabar qilinmoqda.
Tibbiy ko‘rikdan so‘ng Orelyenning taqdimot marosimi bo‘lib o‘tadi.
22 yoshli Tchuameni “Real”ga o‘tishi uchun “PSJ”, “Liverpul” va “Manchester Yunayted”ning taklifini rad etgan.
2021/22-yilgi mavsumda Orelyen Tchuameni “Monako” safida barcha musobaqalarda 50 ta o‘yinda ishtirok etib, 5 ta golga mualliflik qilgan.
Avvalroq “Real” Antonio Ryudigerni o‘z safiga qo‘shib olgandi. Marselo, Isko va Garet Beyl “Real”ni erkin agent sifatida tark etayotgani ma’lum qilingandi.
Izoh (0)