Shavkat Mirziyoyev 6-iyun kuni ishdan chiqib, Toshkent shahridagi vaziyatni kuzatdi va yerusti metro liniyasi qurilishining 2-bosqichi bilan tanishdi. Prezident Toshkentdagi tirbandliklar haqida to‘xtalib o‘tdi.
“Men o‘tgan kuni mashinada 1,5 soat Toshkentni aylandim. Yurib bo‘lmadi. Men o‘zim yurgan katta ko‘chalarda yurib bo‘lmadi. Shunaqangi ‘narusheniya’ ko‘p, tirbandliklar ko‘p, xohlagan odam xohlagan narsasini qilib yuribdi-da. Odam qo‘rqib ham ketdi buni ko‘rib. Men o‘zim hayron qoldim”, — dedi davlat rahbari.
Xo‘sh, bunday masalalarga qanday yechim bor? Bu borada ilm va innovatsiya nima deydi? Bu haqda Toshkentda jamoat transportini rivojlantirish va metropolitenda yo‘lovchilarni ko‘paytirish loyihalar bo‘yicha taqdimotda so‘z bordi.
Unda prezidentga Transport universiteti rektori Odil Abdurahmonov qator takliflarni bildirdi.
“Metro liniyasi bo‘yicha 17 ta OTM bor ekan. Bu yerdagi talabalarning ham kerak bo‘lgan holatda har birining darsi boshlanishini 45 daqiqa farq bilan boshlanadigan qilmoqchimiz. Birinchidan, tirbandlik kamayadi, ikkinchidan, metrodagi muvozanat o‘ziga keladi”, — deydi Abdurahmonov.
Izoh (0)