Шавкат Мирзиёев 6 июнь куни ишдан чиқиб, Тошкент шаҳридаги вазиятни кузатди ва ерусти метро линияси қурилишининг 2-босқичи билан танишди. Президент Тошкентдаги тирбандликлар ҳақида тўхталиб ўтди.
«Мен ўтган куни машинада 1,5 соат Тошкентни айландим. Юриб бўлмади. Мен ўзим юрган катта кўчаларда юриб бўлмади. Шунақанги ‘нарушения’ кўп, тирбандликлар кўп, хоҳлаган одам хоҳлаган нарсасини қилиб юрибди-да. Одам қўрқиб ҳам кетди буни кўриб. Мен ўзим ҳайрон қолдим», — деди давлат раҳбари.
Хўш, бундай масалаларга қандай ечим бор? Бу борада илм ва инновация нима дейди? Бу ҳақда Тошкентда жамоат транспортини ривожлантириш ва метрополитенда йўловчиларни кўпайтириш лойиҳалар бўйича тақдимотда сўз борди.
Унда президентга Транспорт университети ректори Одил Абдураҳмонов қатор таклифларни билдирди.
«Метро линияси бўйича 17 та ОТМ бор экан. Бу ердаги талабаларнинг ҳам керак бўлган ҳолатда ҳар бирининг дарси бошланишини 45 дақиқа фарқ билан бошланадиган қилмоқчимиз. Биринчидан, тирбандлик камаяди, иккинчидан, метродаги мувозанат ўзига келади», — дейди Абдураҳмонов.
Изоҳ (0)