Rossiya prezidenti Vladimir Putin mamlakat hukumatining bugungi siyosati XVIII asrda Pyotr I chekiga tushgan “qaytarish va mustahkamlash”dan iboratligini qayd etdi. Bu haqda Meduza xabar bergan.
Putin yosh tadbirkorlar, muhandislar va olimlar bilan uchrashuvda Rossiya davlatining asosiy vazifalari Pyotr I hukmronligi davridan beri deyarli o‘zgarmaganini ta’kidladi.
Rossiya prezidentining fikricha Shvetsiyaga qarshi Shimoliy urushda Pyotr I hech nimani tortib olmagan, aksincha qaytargan. Sababi Priladojyeda fin-ugor xalqlari bilan birga slavyanlar ham yashagan va hudud Rossiya davlati ixtiyorida bo‘lgan.
Pyotr I qayerga bormasin eng avvalo yerlarni qaytargan va yanada mustahkamalagan. Bizning zimmamizga ham qaytarish va mustahkamlash cheki tushdi.Vladimir Putin
Putin uchrashuvda Rossiya hukumati zimmasidagi vazifalar haqida gapirgan vaqtda kulib ham qo‘ygan.
Rossiya 24-fevraldan buyon Ukrainada maxsus harbiy operatsiya o‘tkazmoqda. Dastlab Putin Ukraina hududiga bostirib kirmoqchi emasligini e’lon qilgan, biroq ko‘plab rasmiy va norasmiy xabarlarga ko‘ra Rossiya urushning dastlabki kunlarida egallab olingan Ukraina janubidagi hududlarni o‘ziga qo‘shib olishni ko‘zlamoqda.
2014-yilda Rossiya Vladimir Putin rahbarligida Ukrainaga tegishli bo‘lgan Qrimni o‘ziga qo‘shib olgandi.
Izoh (0)