8-iyun kuni prezident Serdar Berdimuhamedov Turkmaniston Suv ta’minotini ta’minlash masalalari bo‘yicha bosh vazirning yangi o‘rinbosari, agrosanoat kompleksiga mas’ul Annageldi Yazmirodov bilan uchrashuv o‘tkazdi, deb xabar bermoqda TDH davlat axborot agentligi.
Yazmirodov prezidentga Toshhovuz viloyatining suv ta’minotidagi kamchiliklarni tuzatish ishlari olib borilganini haqida xabar qilgan.
“Hozirgi vaqtda viloyatdagi daryolarda suv sathining barqarorligi tufayli qishloq xo‘jaligi yerlarini suv bilan ta’minlash yaxshilandi”, deb yozadi TDH.
30-may kuni bo‘lib o‘tgan yig‘ilishda Serdar Berdimuhamedov Toshhovuz viloyati hokimi Nazarmurat Nazarmuradov faoliyatidan noroziligini bildirgandi. Prezident viloyat qishloq xo‘jaligida olib borilayotgan ishlar past sur’atda ekanini ta’kidlab, ularning tashkiliy darajasidan noroziligini aytgan. Yig‘ilishdan bir necha kun oldin Berdimuhamedov Toshhovuz viloyatida bo‘lib, suv xo‘jaligi davlat qo‘mitasi raisi Guyzgeldi Bayjanovga suv ta’minoti sohasidagi muammolar uchun qattiq tanbeh bergan. Toshhovuz viloyati uchinchi yildirki, dalalarni sug‘orishda suv tanqisligidan aziyat chekmoqda.
TDH Duyaboyun suv omboridan boshlanuvchi Shasen va Turkman daryolari oralig‘idagi vodiyda yirik sun’iy suv ombori qurishga tayyorgarlik ko‘rilayotganini ma’lum qildi.
Prezident 11-iyun kuni Vazirlar Mahkamasining yig‘ilishini o‘tkazishini aytdi va Yazmirodovga “mintaqadagi suv bilan bog‘liq murakkab vaziyatni hisobga olgan holda” tegishli ko‘rsatmalar berdi:
- Bosh vazir o‘rinbosari boshchiligida Hukumat komissiyasini tuzish va uning tarkibiga Oliy nazorat palatasi, Davlat suv xo‘jaligi qo‘mitasi, Qishloq xo‘jaligi vazirligi, ilmiy muassasalar, viloyat hokimliklari rahbarlarini kiritish;
- Amudaryo va Qoraqumdan boshlab daryo o‘zanlarini tekshirish va oqimiga to‘sqinlik qilayotgan sabablarni aniqlash. Ularni bartaraf qilish uchun tezda harakat rejasini tuzish va uni amalga oshirishni boshlash. Bundan tashqari, texnika, dredder va suv nasoslari hamda ularga ehtiyot qismlar sotib olish uchun mablag‘ ajratish bo‘yicha takliflar tayyorlash (hozirda xalqaro tashkilotlar mamlakat suv havzalarini tozalashga yordam bermoqda. Shuningdek, ko‘plab hududlar aholisi buni qo‘lda bajarishga majbur);
- daryolardan tashqari, asosiy suv kanallarini tekshirish, shuningdek ularni tozalash va betonlashtirish bo‘yicha chora-tadbirlar rejasini ishlab chiqish va uni amalga oshirishni davom ettirish;
- suvni tuzsizlantirish zavodlari qurilishini boshlash va Ashxobodga Kaspiy dengizidan suv yetkazib berish imkoniyatlarini ko‘rib chiqish;
Eslatib o‘tish kerakki, 2021-yil Turkmaniston uchun eng qurg‘oqchi yillardan biriga aylangandi. O‘tgan yilning yozida Ashxobodda kuchli qurg‘oqchilik tufayli suv ta’minoti muntazam o‘chirilib, suv shahar bo‘ylab avtomashinalarida tashilgan.
Izoh (0)