AQSH mudofaa vazirligi 20 yil davomida Ukrainadagi 46 ta biologiya sohasidagi tuzilmaga ko‘mak berib kelganini tan oldi va bu eng avvalo biologik xavfsizlikni ta’minlash hamda odamlar salomatligini yaxshilash maqsadida amalga oshirilganini bildirdi. Bu haqda “Interfaks” xabar qilgan.
“AQSH biologik xavfsizlikni ta’minlash, Ukrainani himoya qilish, odamlar va hayvonlar salomatligini nazorat qilish maqsadida 20 yil davomida 46 ta tinchlik yo‘lida tadqiqotlar qiluvchi biolaboratoriyalar, sog‘liqni saqlash obyektlari, shu bilan birga kasalliklarga tashxis qo‘yish markazlariga ko‘mak berib kelgan”, – deyiladi Pentagon rasmiy saytidagi axborotda.
Pentagon bergan ma’lumotlarga ko‘ra bunday yordam dasturlari qishloq xo‘jaligi xavfsizligini ta’minlash chora-tadbirlarini amalga oshirish maqsadida ham taqdim etiladi.
Vazirlik Ukrainadagi obyektlarning dunyodagi har qanday davlat yoki nodavlat sog‘liqni saqlash muassasalari, ilmiy-tadqiqot laboratoriyalari kabi ishlaydi.
Aprel oyida Rossiya qurolli kuchlari general-leytenanti, radiatsion kimyoviy va biologik himoya qo‘shinlari boshlig‘i Igor Kirillov Ukraina hududida 30 dan ziyod biologik laboratoriyalar tarmog‘i ishlagani haqida bayonot bergandi. U laboratoriyalar Pentagon manfaatlari uchun xizmat qilgani, ular bilan AQSH farmasevtik kompaniyalari, xususan Pfizer va Moderna hamkorlik qilganini qayd etgan.
Mart oyida Rossiya mudofaa vazirligi Ukraina hududida Pentagon bilan birga ishlab chiqilgan qo‘shma dasturlari doirasida biolaboratoriyalar faoliyat olib borgani va ularda xavfli infeksiyalar qo‘zg‘atuvchilari tayyorlangani xususida bayonot qilgandi.
Rossiya mudofaa vazirligi Ukrainada biologik dasturlarni favqulodda qisqartirish ishlari boshlaganiga e’tibor qaratgan. Taxminlarga ko‘ra laboratoriyalarda vabo, kuydirgi, brutselloz, difteriya qo‘zg‘atuvchilari, salmonellez va dizenteriya kabi kasalliklarni keltirib chiqaradigan infeksiyalar tayyorlangan.
Izoh (0)