Qozog‘iziston parlamenti Senati raisi Maulen Ashimbayev Qozog‘iston birinchi prezidentining mamlakat siyosatidagi o‘rni haqidagi savolga javob berdi, deya xabar bermoqda Tengrinews nashri.
“Qozog‘istonning birinchi prezidenti Nursulton Nazarboyev bugungi kunda siyosatga aralashmayapti. Ehtimol, buni o‘zingiz ham ko‘rmoqdasiz. Albatta, referendum, saylov kabi keng ko‘lamli siyosiy tadbirlarda u mamlakat fuqarosi sifatida ishtirok etishi mumkin. Barcha masalalar qonun hujjatlarida belgilangan tartibda hal etiladi.
Nursulton Abishevich referendumda ovoz berdi, bu har bir fuqaroning huquqi. Lekin siyosatchi, birinchi prezident sifatida Qozog‘iston siyosatiga aralashmaydi”, — deya jurnalistlar savollariga javob bergan Ashimbayev.
5-iyun kuni Nursulton Nazarboyev konstitutsiyaga o‘zgartirishlar kiritish bo‘yicha referendumda ovoz berdi.
2022-yil yanvarida Nursulton Nazarboyev o‘ziga yo‘llangan murojaatlarga javob berar ekan, 2019-yilda prezident vakolatlarini Qosim-Jo‘mart To‘qayevga topshirganini va shundan beri nafaqaxo‘r ekanligini ma’lum qilgan edi. Shuningdek, u To‘qayev prezident sifatida to‘liq vakolatga ega ekanligini ta’kidlagan.
Izoh (0)