Франция Одесса портини очиш бўйича ўз хизматларини таклиф қилишга тайёр, шунда кемалар у ерга хавфсиз жўнатилади. Бу ҳақда Елисей саройи маълум қилди. Олдинроқ Туркия ҳам бу борада ўз ёрдамини таклиф қилган эди.
Франция Одесса портини блокдан чиқариш бўйича операцияда иштирок этишга тайёр, дея хабар бермоқда BFM телеканали Елисей саройи хабарига таяниб.
«Биз Одесса портига тўлиқ хавфсиз киришни тиклаш бўйича операцияни ташкил этиш, унинг атрофидаги денгиз ҳудуди миналанган бўлишига қарамай, у ерга кемаларни жўнатиш учун барча томонларга хизматларимизни таклиф қилишга тайёрмиз» дея баёнот берган француз ҳукумати.
Аввалроқ Туркия ҳам Украина портларини миналардан тозалаш бўйича ўз ёрдамини таклиф қилганди, бу ҳақда Россия ташқи ишлар вазири Сергей Лавров маълум қилган.
Энг йирик буғдой етиштирувчилардан бири бўлган Украинада Россиянинг «махсус операция»си бошланганидан сўнг, кемалар олиб чиқа олмайдиган портларда дон йиғилиб қолган. Киев Москвани портларни тўсиб қўйганликда айблайди, БМТ эса Россияни кемаларнинг эркин ўтишини таъминлашга чақирди.
Мавзуга доир:
- Туркия: Украина донини экспорт қилиш бўйича қарорлар «яқин кунларда» эълон қилинади
- Россия, Туркия ва Украина БМТ кўмагида Украина портларидаги донни олиб чиқиш режасини тузди
- Украина фақатгина Қора денгиз қуршовини тугатиш билан глобал озиқ-овқат инқирозининг олдини олиш мумкинлиги ҳақида огоҳлантирмоқда
Изоҳ (0)