Бухоро шаҳрида тадбиркор ва фуқароларнинг 51 минг долларини қўлга киритган шахс аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Бухоро шаҳар бўлими томонидан терговга қадар текширув ўтказилган. Унда фуқаро Ж.Т. 3 нафар тадбиркорнинг ишончига кириб, уларга гўёки «Ўзбекистон ҳаво йўллари» АЖ билан маҳсулотларни етказиб бериш бўйича ҳамда Чирчиқ шаҳрида «ламинат» ишлаб чиқариш фаолияти билан шуғулланувчи тадбиркорлар билан шартномалар тузиб беришини айтгани аниқланган. Хизмати эвазига жами 44 минг долларни фирибгарлик йўли билан қўлга киритган.
Бундан ташқари, Ж.Т. фуқаролар Ғ. ва У.га навбатсиз Lacetti автотранспорт воситасини олиб бериш эвазига 7 минг долларни қўлга киритгани маълум бўлган.
Ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
Изоҳ (0)