Jizzax viloyati G‘allaorol tumanida “Afrosiyob” tezyurar poyezdi ikki nafar bolani urib ketdi. Bu haqda viloyat Ichki ishlar boshqarmasi xabar qildi.
Qayd etilishicha, poyezd Toshkent—Samarqand yo‘nalishida soatiga 190 kilometr tezlikda harakatlanib kelayotgan bo‘lgan. “Afrosiyob” G‘allaorol tumani hududidan o‘tgan temiryo‘lning 3652-kilometrida 2 nafar voyaga yetmagan bolani urib yuborgan.
2007-yilda tug‘ilgan jabrlanuvchilardan biri shifoxonada ko‘rsatilgan muolajalarga qaramasdan, vafot etgan. Yana biri jonlantirish bo‘limiga yotqizilgan.
Avvalroq Toshkent viloyatida bir kunda ikki kishi poyezd urib ketishidan vafot etgani, Jizzaxda poyezd temiryo‘lda quloqchin taqib ketayotgan fuqaro sabab favqulodda to‘xtagani, Toshkent—Xo‘jakent poyezd yo‘lida uxlab qolgan mast fuqaroning hayoti saqlab qolingani to‘g‘risida xabar berilgandi.
Izoh (0)