АҚШ президенти Жо Байден маъмуриятининг етакчи халқаро энергия маслаҳатчиси Ҳиндистонни Россиядан ёқилғи сотиб олмасликка чақирди. Ҳиндистон Европада харидорларини йўқотган чегирмали Россия нефть импортини оширмоқда. Бу ҳақда Financial Times хабар берди.
Европа нефтни қайта ишлаш заводлари санскиялар туфайли Россия нефтини сотиб олишни қисқартирмоқда. Россиялик экспортчилар эса денгиз орқали нефть нархини чегирмалар билан Ҳиндистонга сота бошлади.
Бу каби битимлар ғарбий мамлакатларда умидсизликка сабаб бўлмоқда. Европа санкциялар билан Россиянинг даромадини чекламоқчи бўляпти ва бунинг ортидан муқобил вариантлар учун нефтга Россияникига қараганда кўпроқ тўлаяпти.
АҚШ Давлат департаментининг энергетика хавфсизлиги бўйича катта маслаҳатчиси Амос Хочштейн Ҳиндистонни европалик истеъмолчилар рекорд даражадаги ёқилғи нархини тўлаётган пайтда Россия нефтининг чегирмаларидан фойда кўрмасликка чақирган.
Унинг айтишига қараганда агар Ҳиндистон Россия нефтини сотиб олмаса, бошқа ҳеч бир давлат бундай қилмайди.
Европаликлар ва америкаликлар нархлардан қийналаётганидан фойдаланаётгандай бўлиб қолманг — дейди Амос Хочштейн.
Россия нефть экспорти сўнгги ҳафталарда бир баррель учун халқаро кўрсаткич бўлган Brent маркасидан деярли 30 долларга арзонга сотилди.
Россия экспорти ҳажми ўз нефтига нисбатан кенгайган ғарбий эмбаргога қарамай барқарор бўлиб қолди. Brent эса йил бошидан буён деярли 60 фоизга ошиб, пайшанба куни бир баррель учун 123,07 долларни ташкил этди ва бу Кремлга кутилмаган фойда келтирди.
Россия ҳақиқатда даромад бўйича яхшироқ ҳолатда. Улар нефтдан урушдан аввалгига қараганда кўпроқ фойда кўраяпти, — дейди республикачи сенатор Рон Жонсон.
Ҳиндистон урушдан аввал Россиядан Urals маркали нефтни импорт қилмас эди. Бироқ июнь ойидан нефть импорти кунига 1 млн баррелдан ошиб кетиши прогноз қилинмоқда.
Аввалроқ Нефть нархининг юқорилиги АҚШни саудияликлар билан қайта алоқа ўрнатишга мажбур қилаётгани ҳақида хабар берилган эди.
Изоҳ (0)