Европа иқтисодиёти урушга қарамай, кутилганидан ҳам кўпроқ ўсди

Европа иқтисодиёти 2022 йил бошида тахмин қилинганидан кўпроққа ўсди. Бу ҳақда Bloomberg хабар бермоқда. 

Иқтисодий ўсиш асосан савдо билан боғлиқ бўлди. Биринчи чоракда ишлаб чиқариш аввалги уч ойга нисбатан 0,6 фоизга ўсди.

Эуростатънинг маълум қилишича, Европада бандлик 0,6 фоизга ошган бўлса ҳам, истеъмол 0,7 фоизга камайди.

19 аъзодан иборат валюта блоки — евро қарама-қарши кучларга дуч келмоқда. Бунга COVID-19 чекловлари юмшатилганидан кейин Россиянинг Украинадаги уруши бошлангани сабаб бўлмоқда. 

Уй хўжаликлари ва компаниялар нархлар кўтарилишидан азият чекаётган бўлса-да, хизматлар соҳаси кучли талабни кўрмоқда ва туризм ажойиб ёз мавсумига тайёрланмоқда.

Европа Марказий банки амалдорларини рағбатлантиришни тўхтатишга ундамоқда. Банк томонидан фоиз ставкаларининг ўн йилдан кўпроқ вақт ичида биринчи марта ошиши июль ойида кузатилиши мумкин. 

Европа Марказий банки пайшанба куни янги иқтисодий прогнозларни тақдим этади.

Аввалроқ Европада инфляция рекорд даражага етгани ҳақида хабар берилган эди.