Осиё давлатлари нархлар ошишидан қўрқиб, қиш учун LNG таъминотини кўпайтирмоқда

Bloomberg хабарига кўра, камида учта Осиё давлати кутилаётган нархларнинг ошиши фонида қиш учун суюлтирилган газ (LNG) таъминотини йўлга қўйиш билан банд. 

Ҳиндистоннинг Гужарат давлат нефть корпорацияси июнь ойида ёзги нархларда 20 фоиз қўшимча ҳақ эвазига қиш учун суюлтирилган газ сотиб олди. 

Жанубий Кореянинг Korea Gas компанияси қишки мавсум учун таъминотни кўпайтириш имкониятларини кўриб чиқаётганини маълум қилди. Япония ҳукумати ҳам хориждан ёқилғи сотиб олишни кўпайтириш ниятида.

Агентликнинг қайд этишича, одатда ёзда қиш учун захираларни йиғадиган импортчиларнинг ҳаракатлари LNGга бўлган талаб таклифдан ошиб кетиши ҳақидаги қўрқувни кучайтириши мумкин. 

Бу Европа Россиянинг LNG’га қарамлигини камайтиришга уринаётган бир пайтда юз берди. 

Bloomberg маълумотларига кўра, ўтган ҳафта Шимолий Осиё газ фьючерслари икки ойнинг энг юқори кўрсаткичига кўтарилган, суюлтирилган газнинг бозор нархлари эса беш йиллик ўртача кўрсаткичдан уч баравар кўпроқ.

Ғарб давлатлари Россиянинг Украинадаги ҳарбий амалиётига жавобан киритилган санкциялар доирасида Россия энергия ресурсларидан воз кечишни бошлади. 

Бундан ташқари, Европа Иттифоқининг бешта давлати Россия газини рублда тўлашга ўтишдан бош тортди. 

Шу сабабли «Газпром»нинг шартнома портфели тахминан 13 фоизга қисқарди. 

Россия Иқтисодиёт вазирлиги нефть ва газ санкциялари икки йиллик таназзулга, реал иш ҳақи ва даромадларнинг пасайишига олиб келишини тахмин қилмоқда.

Аввалроқ Европанинг Россия табиий газини LNG билан алмаштириш режаси тўсиқларга учраётгани ҳақидаги хабар берилганди.