Avvalroq milliarderning SpaceX kompaniyasi Ukrainaga Starlink sun’iy yo‘ldosh internetini qabul qilish uchun minglab komplektlarni topshirgan edi.
Tesla va SpaceX asoschisi, milliarder Ilon Mask Tesla Powerwall quyosh elektr stansiyalarini Ukraina kasalxonalariga yubordi. Bu haqda Ukraina raqamli transformatsiyalar vaziri Mixail Fedorov o‘zining Telegram kanalida ma’lum qildi.
Yaqinda Ilon Mask bizga quyosh stansiyalarini topshirdi, ular hozirda Kiev viloyatidagi muhim infratuzilma obyektlarining ishlashini ta’minlamoqda. Elektr energiyasi bilan bog‘liq muammolar mavjud va Tesla Powerwall stansiyalari tibbiy muassasalarga elektr uzilishlari vaqtida zaxira quvvat yetkazib beradi, — deb yozgan Fedorov.
Tesla Powerwall litiy-ionli akkumulyator bo‘lib, u uyda foydalanish uchun energiya va asosiy tarmoq ishlamay qolganda zaxira quvvati bilan ta’minlaydi.
Avvalroq mart oyining oxirida futbolchi Devid Bekhem Instagram’dagi sahifasini vaqtincha xarkovlik shifokor Irina Kondratovaga topshirgan edi.
Izoh (0)