Moskvada “Grand Setun Plaza” biznes markazida yong‘in yuz berdi, deb yozadi Meduza. Alanga birinchi qavatdan to‘rtinchi qavatgacha tarqalgan.
Yong‘in boshlanganidan keyin evakuatsiyani amalga oshirishga kirishilgan, biroq binoda haligacha odamlar qolmoqda. “Interfaks” yozishicha, 15 kishi yuqori qavatlarda alanga tufayli qolib ketgan bo‘lishi mumkin.
“Binoning qoplamasi va sovuq o‘tkazmaydigan qobig‘i sintetik eskirgan materiallardan qurilgan, ularning yong‘inga chidamlilik darajasi past. Pardozda ham sintetika ko‘p. Bu achchiq va juda zaharli tutun paydo qiladi, u esa ichkaridagi odamlar uchun asosiy xavfdir”, — dedi “Interfaks” manbasi.
“RBK” yozishicha, yong‘inga murakkablik darajasining beshtadan to‘rtinchisi berilgan.
Dastlabki ma’lumotlarga ko‘ra, jabrlanganlar yo‘q, yong‘in maydoni 1 ming m² ni tashkil etadi. Voqea joyida 180 kishi va 41 ta texnika ish olib bormoqda.
Mavzuga doir:
- Qozog‘istonning Chimkent shahridagi tug‘uruqxona yaqinida portlash yuz berdi, bir kishi halok bo‘ldi (foto va video)
- Moskva viloyatida sodir bo‘lgan yong‘in oqibatida ikki nafar O‘zbekiston fuqarosi halok bo‘ldi
- Rossiya Mudofaa vazirligi “Moskva” kreyserida kuzatilgan yong‘in oqibatida bir kishi halok bo‘lgani, yana 27 nafar odam bedarak yo‘qolganini ma’lum qildi
Izoh (0)