Москвада «Гранд Сетунь Плаза» бизнес марказида ёнғин юз берди, деб ёзади Meduza. Аланга биринчи қаватдан тўртинчи қаватгача тарқалган.
Ёнғин бошланганидан кейин эвакуацияни амалга оширишга киришилган, бироқ бинода ҳалигача одамлар қолмоқда. «Интерфакс» ёзишича, 15 киши юқори қаватларда аланга туфайли қолиб кетган бўлиши мумкин.
«Бинонинг қопламаси ва совуқ ўтказмайдиган қобиғи синтетик эскирган материаллардан қурилган, уларнинг ёнғинга чидамлилик даражаси паст. Пардозда ҳам синтетика кўп. Бу аччиқ ва жуда заҳарли тутун пайдо қилади, у эса ичкаридаги одамлар учун асосий хавфдир», — деди «Интерфакс» манбаси.
«РБК» ёзишича, ёнғинга мураккаблик даражасининг бештадан тўртинчиси берилган.
Дастлабки маълумотларга кўра, жабрланганлар йўқ, ёнғин майдони 1 минг м² ни ташкил этади. Воқеа жойида 180 киши ва 41 та техника иш олиб бормоқда.
Мавзуга доир:
- Қозоғистоннинг Чимкент шаҳридаги туғуруқхона яқинида портлаш юз берди, бир киши ҳалок бўлди (фото ва видео)
- Москва вилоятида содир бўлган ёнғин оқибатида икки нафар Ўзбекистон фуқароси ҳалок бўлди
- Россия Мудофаа вазирлиги «Москва» крейсерида кузатилган ёнғин оқибатида бир киши ҳалок бўлгани, яна 27 нафар одам бедарак йўқолганини маълум қилди
Изоҳ (0)