1-iyun holatiga ko‘ra, O‘zbekistonda 1 million 720 ming 423 nafar fuqaro o‘zini o‘zi band qilganlar sifatida ro‘yxatga olingan. Bu haqda Davlat soliq qo‘mitasi matbuot xizmati xabar berdi.
Ularning 565 843 nafari joriy yilda yakka tartibdagi tadbirkor maqomiga ega bo‘lgan.
O‘zini o‘zi band qilganlar soliq to‘lamaydi. Mehnat staji hisoblanishi uchun ixtiyoriy ravishda bir yil uchun kamida BHMning 1 barobari miqdorida ijtimoiy soliq to‘lashlari mumkin.
Yil boshidan buyon 159,4 ming nafar o‘zini o‘zi band qilgan shaxs tomonidan jami 40,7 mlrd so‘m ijtimoiy soliq to‘langan.
O‘zini o‘zi band qilganlar 70 ga yaqin faoliyat turi bilan shug‘ullanishi mumkin. Bular orasida xalq tabobati, chorva mollarini boqish, makalatura to‘plash va onlayn konsultatsiya berish kabi faoliyat turlari mavjud.
Soliq organlarida ro‘yxatdan o‘tish “Soliq” mobil ilovasi orqali masofadan turib amalga oshiriladi (Android/iOS).
Avvalroq O‘zbekistonda o‘zini o‘zi band qilganlar soni 1,3 mlndan oshgani haqida xabar berilgan edi.
Izoh (0)