1 июнь ҳолатига кўра, Ўзбекистонда 1 миллион 720 минг 423 нафар фуқаро ўзини ўзи банд қилганлар сифатида рўйхатга олинган. Бу ҳақда Давлат солиқ қўмитаси матбуот хизмати хабар берди.
Уларнинг 565 843 нафари жорий йилда якка тартибдаги тадбиркор мақомига эга бўлган.
Ўзини ўзи банд қилганлар солиқ тўламайди. Меҳнат стажи ҳисобланиши учун ихтиёрий равишда бир йил учун камида БҲМнинг 1 баробари миқдорида ижтимоий солиқ тўлашлари мумкин.
Йил бошидан буён 159,4 минг нафар ўзини ўзи банд қилган шахс томонидан жами 40,7 млрд сўм ижтимоий солиқ тўланган.
Ўзини ўзи банд қилганлар 70 га яқин фаолият тури билан шуғулланиши мумкин. Булар орасида халқ табобати, чорва молларини боқиш, макалатура тўплаш ва онлайн консультация бериш каби фаолият турлари мавжуд.
Солиқ органларида рўйхатдан ўтиш «Солиқ» мобил иловаси орқали масофадан туриб амалга оширилади (Android/iOS).
Аввалроқ Ўзбекистонда ўзини ўзи банд қилганлар сони 1,3 млндан ошгани ҳақида хабар берилган эди.
Изоҳ (0)