Давлат активларини бошқариш агентлиги (ДАБА) тегишли хусусийлаштириш дастурларига мувофиқ Mobiuz’га эгалик қилувчи Universal Mobile Systems компаниясини хусусийлаштириш ишлари бошланганини эълон қилди.
Барча қизиқиш билдирган талабгорлардан тижорат таклифларини жорий йил 4 июль кунига қадар тақдим этиш сўралади.
Mobiuz қандай компания?
Universal Mobile Systems МЧЖ — Mobiuz савдо белгиси остида 4G LTE, UMTS ва GSM стандартлари асосида замонавий мобил овозли алоқа ва мобил интернетга уланиш хизматларини тақдим этувчи Ўзбекистондаги телекоммуникация компанияси.
Mobiuz’нинг марказий офиси Тошкент шаҳри, Амир Темур хиёбони, 24-уйда жойлашган. Мобил оператор 2014 йилдан фаолиятини бошлаган.
2021 йил якунига кўра компания 1,1 трлн сўм соф тушум, 96,5 млрд сўм соф фойда олган ва умумий соф актив қиймати 1,4 трл сўм қийматига эга.
Жорий йил 1 май ҳолатига компаниянинг абонементлар сони 6,6 млн нафарга етган.
Аввалроқ «Ўзгазлойиҳа»нинг 63,4 фоиз давлат улуши 21,5 млрд сўмга сотилгани ҳақида хабар берилганди.
Изоҳ (0)