Farg‘ona viloyati Marg‘ilon shahrida 19-may kuni tomorqasida ko‘knori va kannabis o‘simligini parvarishlayotgan shaxs aniqlandi. Bu haqda viloyat Ichki ishlar boshqarmasi xabar qildi.
Qayd etilishicha, shu kuni Marg‘ilon shahar IIB xodimlari tomonidan tezkor tadbir o‘tkazilgan. Jarayon davomida fuqaro S.D.ning yashash xonadoni xolislar ishtirokida ko‘zdan kechirilgan. Natijada tomorqasida 98 tup ko‘knori va 1 tup kannabis o‘simligiga o‘xshash o‘simliklarni parvarishlab kelayotgani aniqlangan.
Holat yuzasidan Jinoyat kodeksining 270-moddasi 1-qismi (taqiqlangan ekinlarni yetishtirish) bilan jinoyat ishi qo‘zg‘atilgan. Tergov harakatlari olib borilmoqda.
Avvalroq Jizzaxda Tojikistondan olib o‘tilgan 2,8 kilo opiyni sotishga uringan shaxs 12 yilga qamalgani, Samarqandda omborxona yerida 2 ming tup marixuana yetishtirgan shaxslar tekshiruv paytida ularga o‘t qo‘ygani, Farg‘onada tomorqasida 60 tup kannabis parvarishlab kelayotgan fuqaro aniqlangani xabar qilingan.
- Samarqandda uch nafar fuqaro omborxonada 610 tup marixuana parvarishlab kelgani aniqlandi
- Toshkentda sintetik giyohvand moddalarni belgilangan bir manzildan boshqasiga yetkazish bilan shug‘ullangan qiz ushlandi
- Toshkent aeroportida tarkibida narkotik moddasi bo‘lgan shokolad, marmelad va saqichlarni olib o‘tmoqchi bo‘lgan yo‘lovchi to‘xtatib qolindi (video)
Izoh (0)