Davlat xizmatlari agentligi O‘zbekistonda 2022-yilning o‘tgan besh oyi davomida eng ko‘p qo‘yilgan ismlar haqida ma’lumot berdi. Ma’lum qilinishicha, yanvar—may oylari davomida respublikada yangi tug‘ilgan chaqaloqlarga Muhammadali va Soliha ismlari eng ko‘p qo‘yilgan.
Soliha ismi 9 929 nafar qizga qo‘yilgan bo‘lsa, o‘tgan besh oy ichida yangi tug‘ilgan 9 567 nafar chaqaloqqa Muhammadali ismi berilgan.
Eslatib o‘tamiz, Muhammadali va Soliha ismlari 2019 va 2020-yillarda ham eng mashhur ismlarga aylangandi. 2018-yilda esa Soliha va Mustafo, 2017-yilda — Madina va Azizbek edi.
Avvalroq O‘zbekistonda 2022-yilning to‘rt oyida qaysi viloyatlarda eng ko‘p egizaklar tug‘ilgani ma’lum bo‘lgandi.
Izoh (0)