“Zolim Istanbul” turk seriali yulduzlari 2022-yilda qanday loyihalarda suratga tushmoqda? (foto)

2019-yilning eng mashhur turk seriallaridan biri bo‘lgan “Zolim Istanbul” keyinchalik boshqa mamlakatlarda ham namoyish etildi. Badavlat insonlar va faqir odamlar haqida hikoya qiluvchi melodrama millionlab tomoshabinlarga manzur keldi. Serialda endigina aktyorlik karyerasini qurishni boshlagan Berker Guven, Bahar Shahin va Sera Kutlubey o‘z rolini mahorat bilan ijro etdi. Xo‘sh, “Zolim Istanbul” serialining yulduzlari hozir qayerda va nimalar bilan band? Ushbu savolga javobni quyida topish mumkin, deb yozadi “Yandeks Dzen”.

Berker Guven

“Zolim Istanbul”da Nedim rolini ijro etgan Berker Guven hozirda ham seriallarda faol ishtirok etib kelyapti. Ayni paytda u “Uch opa-singillar” melodramasida suratga tushmoqda. Aytish joizki, Ijlal Aydinning shu nomli romani asosida suratga olingan serial hozirda mashhurlik cho‘qqisiga chiqqan. Tomoshabinlar Berker Gyuvenning ijrolarini kuzatib, uning aktyorlik mahoratini yuqori baholadi. Turk aktyori endigina 27 yoshga kirgan bo‘lsa-da, mashhurligi kun sayin ortib bormoqda.

O‘zan Dolunay

“Zolim Istanbul” serialida Jenk Karachay rolini O‘zan Dolunay gavdalantirdi. 2021-yil oxirida u “Mehmon” serialida suratga tushishni boshladi, ammo reyting pastligi tufayli loyiha yopildi. So‘ngra aktyor ijodida qisqa tanaffus qilishga qaror qildi. Biroz vaqt o‘tib, “Merve Kult” serialida suratga tushish taklifini qabul qildi. Kartinada aktrisalardan biri Axsen Erog‘lu suratga olish maydonchasida uning partnyoriga aylandi.

Sera Kutlubey

“Zolim Istanbul” serialidagi Jemre rolidan keyin betakror aktrisa Sera Kutlubey tomoshabinlar muhabbati va mehriga sazovor bo‘ldi. “Beqaror” serialidagi kichik roldan so‘ng Sera deyarli 2 yil davomida ekranlarda ko‘rinmay qolgandi. Ammo ko‘p o‘tmay u butunlay boshqa qiyofada suratga olish maydonchalariga qaytdi va “Yaxshilik” melodramasida bosh rollardan birini o‘ynadi.

Bahar Shahin

Mehnatsevar Bahar Shahinning ijodiga havas qilmaslikning iloji yo‘q. 2022-yil boshida u “Duran” serialida suratga tushdi, kartinada Oktay Chubuk partnyoriga aylandi. 2022-yil aprel oyida esa Baaor Shahin “Taqdirga tabassum qil” melodramasi suratga olish maydonida paydo bo‘ldi. U Sude Zulial Guler bilan birga rol ijro etmoqda.

Mine Tugay

Mine Tugay ham “Taqdirga tabassum qil” serialining navbatdagi yulduzi. Demak, u Bahor Shahin bilan yana bir serialda uchrashadi.

Simay Barlas

“Zolim Istanbul” serialidagi Damla tomoshabinlar xotirasida qimmatbaho liboslar kiygan, telefonni qo‘lidan qo‘ymaydigan yengiltak qiz sifatida qoldi. Yangi rol uchun esa Simay Barlas butunlay o‘zgarishi kerak edi. U voqealar o‘tgan asrning 30-yillarida Antakyada sodir bo‘lgan “Aziz” melodramasida qishloq qizi Efnan rolini o‘ynadi.