2022-yil 28-may kuni 75-Kann kinofestivalining yopilish marosimi bo‘lib o‘tdi. Nihoyat, dunyodagi eng nufuzli kinomukofotlardan birining asosiy g‘oliblari e’lon qilindi, deb yozadi People Talk.
Kinofestivalning bosh mukofoti — “Oltin palma novdasi” shvetsiyalik rejissor Ruben Estlundning “Qayg‘u uchburchagi” filmiga nasib etdi.
Shuningdek, rejissorlardan Lukas Dontning “Yaqin”, Kler Denisning “Tush vaqtidagi yulduzlar” filmi Gran-priga munosib deb topildi.
“Eng yaxshi rejissor” nominatsiyasi bo‘yicha Pak Chan Uk — “Ketish qarori” filmi bilan g‘alaba qozondi.
“Oltin kamera” mukofoti esa “War Pony” kartinasi rejissorlari Rayli Kio va Jina Gammellga topshirildi.
Quyida yana bir qancha nominatsiyalar bo‘yicha g‘oliblikni qo‘lga kiritgan yulduzlar bilan tanishish mumkin:
“Eng yaxshi aktrisa” – Zara Amir Ebraximi, “Muqaddas o‘rgimchak”
“Eng yaxshi aktyor” – Song Kang Xo, “Vositachi”
“Eng yaxshi ssenariy” — Tariq Solih, “Jannatdan kelgan yigit”
Hakamlar hay’ati mukofoti — Yeji Skolimovski, “Ia”; Sharlotta Vandermersh va Feliks van Groningen “Sakkiz tog‘”
Kann kinofestivalining yubileyi sharafiga maxsus mukofot — aka-uka Lyuk va Jan-Pyer Dardenn, “Tori va Lokita”.
Izoh (0)