Taniqli xonanda Shakira jiddiy huquqiy muammoga duch keldi. Ispaniya sudi yaqinda uning soliq ishi masalasi bo‘yicha appelyatsiyani ko‘rib chiqdi va unga qarshi yetarlicha dalillar borligini ma’lum qildi, deb yozadi People Talk nashri.
Avval xabar berilganidek, qo‘shiqchi 2012—2014-yillar davomida olgan daromadidan 15,5 million dollar soliq to‘lashi kerak edi. U Bagama orollarida rasmiy yashash joyiga ega bo‘lishiga qaramay, o‘sha paytda Ispaniyada istiqomat qilgan. Mamlakatda qonunga ko‘ra, 183 kundan ortiq yashagan har bir kishi soliq to‘lashi shart.
Prokurorlarning ma’lum qilishicha, Shakira o‘zini Ispaniyada yashamayotgandek ko‘rsatgan va barcha pullarni ofshor hisob raqamlariga o‘tkazgan. Endilikda prokuratura xonanda uchun jarima va qamoq jazosini talab qilmoqda.
Izoh (0)