AQSH xalqaro qoidalarni hammadan ham ko‘proq buzadi va bunda boshqalarni ayblashga haqi yo‘q. Bu haqda Xitoy xalq respublikasi Tashqi ishlar vazirligi rasmiy vakili Chjao Litszyan 30-may, dushanba kungi brifingda aytib o‘tdi.
“AQSH qoidalar haqida gapirishga hech qanday haqi yo‘q. Vashingtonning fikricha, xalqaro qoidalar doim AQSH manfaatlari va gegemonligi yo‘lida xizmat qilishi kerak… Men AQSHdan bir nechta savollarga javob berishni so‘ragan bo‘lardim: AQSH o‘z xohishiga ko‘ra suveren mamlakatlarga qarshi urush boshlaganida va rangli inqiloblarni qo‘zg‘atganida qoidalar nimalardan iborat bo‘ladi?” — dedi diplomat.
AQSHni inson huquqlari umuman tashvishlantirmaydi, u Xitoyga muntazam ravishda tuhmat qilish, uni yomon otliq qilish, tiyib turish va unga bosim o‘tkazish uchun bahona sifatida undan foydalanadi, dedi Chjao Litszyan.
Avvalroq AQSH davlat kotibi Entoni Blinken mamlakat Xitoyning BMTning inson huquqlari bo‘yicha oliy komissari Mishel Bacheletning Xitoyga tashrifini manipulyatsiya qilishga urinishlaridan hamda tashrif chog‘idagi sharoitlar XXRda inson huquqlari bilan bog‘liq vaziyatni to‘liq baholash imkonini bermaganidan xavotirda ekanini ma’lum qilgandi.
Aslida esa, dedi Chjao Litszyan, oliy komissar Bacheletning Xitoyga tashrifini tashkillashtirish uning o‘z xohishlariga muvofiq va ikkala tomonning har tomonlama maslahatlashuvlari asosida amalga oshirilgan. Bacheletning o‘zi matbuot anjumanida uning odamlar bilan muloqotlari va hamkorliklari mahalliy hukumat tomonidan nazoratsiz amalga oshirilganini aytgandi, dedi diplomat.
AQSH har yili XXRni diniy erkinliklarni buzuvchi mamlakatlar ro‘yxatiga kiritadi. Pekin ayblovlarni rad etadi va AQSHni ikkiyuzlamachilikda ayblaydi. AQSH Davlat departamenti dunyoda inson huquqlari bilan bog‘liq vaziyat haqidagi ma’ruzasida da’vo qilishicha, Xitoy hukumati 2021-yilda Shinjon-Uyg‘ur muxtor tumanida etnik va diniy ozchiliklarga nisbatan genotsidni amalga oshirgan va insoniyatga qarshi jinoyatlarga qo‘l urgan.
Izoh (0)