Rossiya neftiga Yevropa Ittifoqi tomonidan qo‘yilgan qisman embargo tufayli Rossiya yiliga 22 mlrd dollarga yaqin neft daromadlaridan mahrum bo‘ladi.
Shimoliy Yevropaga quvur orqali yetkazib berishdan bosh tortishdan, taxminan, 12 mlrd dollar, dengizdan neft eksportini taqiqlashdan 10 mlrd dollar yo‘qotiladi.
Rossiya 2021-yilda magistral quvur orqali Yevropa neftni qayta ishlash zavodlariga kuniga 720 ming barrel xom neft yetkazib berayotgan edi.
Yevropaga Boltiqbo‘yi, Qora dengiz va Arktika portlaridan kuniga yana 1,57 mln barrel jo‘natilgan.
Dengiz eksportini taqiqlashdan (barcha eksport yetkazib berishning 75 foizi) Rossiya 10 mlrd dollar yo‘qotadi.
Drujba quvurining shimoliy tarmog‘i orqali Polsha va Germaniyaga quvur orqali yetkazib berishning to‘xtatilishi Rossiya neftidan keladigan daromadni yana 12 mlrd dollarga qisqartiradi.
Shu bilan birga, Rossiya “Drujba” neft quvurining janubiy tarmoqlari orqali Vengriya, Slovakiya va Chexiyaga eksportidan 6 mlrd dollarga yaqin daromad olishda davom etadi.
Avvalroq Yevropa yetakchilari Rossiyadan neft importini qisman taqiqlash haqida kelishib olgani, lekin neft quvurlari orqali yetkazib berish embargo ostida qolmasligi xabar berilgan edi.
Izoh (0)