Ukrainaning Xerson va Zaporojye viloyatlari aholisi endi Rossiya mobil aloqasi va internetidan foydalanmoqda, deb yozadi “RBK”. Bu haqda Qrim rahbarining axborot siyosati bo‘yicha maslahatchisi Oleg Kryuchkov ma’lum qilgan.
30-may kuni Xerson viloyatining mintaqa Rossiya nazorati ostiga o‘tganidan keyin ta’sis etilgan harbiy-fuqarolik ma’muriyati rahbari o‘rinbosari Rossiya rahbariyatidan Ukraina tomonidan “o‘qqa tutilish” oqibatida mintaqa uyali aloqa va internetsiz qolgach, “aloqani tiklash uchun Rossiya telekommunikatsiya kompaniyalari imkoniyatlaridan foydalanish”ni so‘ragan edi.
Maslahatchining so‘zlariga ko‘ra, ikkala viloyat aholisi ham endi aloqadan foydalanish uchun Rossiya SIM-kartalarini sotib olishi mumkin.
Mart oyi boshida Rossiya harbiylari butun Xerson viloyati hamda Zaporojye viloyatining katta qismi ustidan to‘liq nazorat o‘rnatilganini ma’lum qilgandi.
Har ikkala viloyatda bivalyuta zonasi amal qilmoqda: aholi ham grivna, ham rubl bilan to‘lamoqda, biroq keyinroq faqat rublga o‘tish rejalashtirilmoqda. Prezident Vladimir Putin ikkita viloyat aholisiga Rossiya fuqaroligini olishni soddalashtiruvchi farmonni imzoladi.
Izoh (0)