Ijtimoiy tarmoqlarda Samarqand shahrida Nexia avtomobilini turli xavfli manyovrlarni amalga oshirib haydagan fuqaroning videosi tarqaldi. IIV YHXXning ma’lum qilishicha, holat o‘rganilib, qoidabuzar haydovchiga chora ko‘rilgan.
Internetda tarqalgan videoda Nexia rusumli avtomobil haydovchisi turli xavfli manyovrlar bilan avtomobil boshqarganligi aks etgan bo‘lib, u keng jamoatchilik muhokamalariga sabab bo‘lgan.
Video Samarqand viloyati IIB JXX YHXB xodimlari tomonidan olib borilgan surishtiruv ishlari natijasida mazkur qoidabuzar haydovchi topilgan. Aniqlanishicha, ushbu haydovchining shu kabi 14 ta videolavhasi ijtimoiy tarmoqlarda tarqatilgan.
“Barcha haydovchilardan mendek bunaqa (xavfli manyovrlar bilan — tahr.) haydamaslikni so‘rayman”, — deydi fuqaro.
Ta’kidlanishicha qoidabuzar haydovchiga nisbatan o‘rnatilgan tartibda chora ko‘rilgan.
Avvalroq Qashqadaryoda 12 nafar yigit mashinalar oynasidan chiqib olib, qarama-qarshi tomonga harakatlangani to‘g‘risida xabar berilgandi.
Mavzuga doir:
- Samarqandda Nexia’ga sirena o‘rnatib, fuqarolar tinchini buzgan haydovchiga chora ko‘rildi (video)
- Toshkentda xavfli manyovrlar qilib, Lacetti’ni orqamacha boshqargan haydovchi javobgarlikka tortildi
- Andijonda xavfli manyovrlar qilgan Spark haydovchisiga bayonnoma tuzilib, avtomobili jarima maydonchasiga qo‘yildi (video)
Izoh (0)