Bugun, 28-may kuni bo‘lib o‘tgan Senatning 26-yalpi majlisida Oliy sud tarkibiga o‘zgartirishlar kiritish to‘g‘risidagi masala ko‘rib chiqildi. Bu haqda “Daryo” muxbiri xabar bermoqda.
Majlisda Senat Turg‘unali Mirzayev va Nurali Rahmonovni O‘zbekiston Respublikasi Oliy sudining sudyasi lavozimiga 12 yil muddatga saylash to‘g‘risida qaror qabul qildi.
Ma’lumot uchun, Turg‘unali Mirzayev 1976-yilda Farg‘ona viloyati Buvayda tumanida tug‘ilgan. Millati o‘zbek, ma’lumoti oliy. 2000-yildan boshlab Farg‘ona shahar Ichki ishlar boshqarmasi tergovchisi, katta tergovchisi va bo‘lim boshlig‘i lavozimlarida ishlagan. 2012-yildan boshlab Farg‘ona viloyati tuman sudi raisi, viloyat sudining sudyasi bo‘lgan. 2021-yildan Toshkent viloyati Yuqori Chirchiq tuman sudining raisi lavozimida ishlab kelgan.
Nurali Rahmonov 1982-yilda Samarqand viloyati Paxtachi tumanida tug‘ilgan. Millati o‘zbek, ma’lumoti oliy. Sohadagi ish faoliyatini dastlab turli korxonalarda huquqiy maslahatchilikdan boshlagan. 2010-yildan boshlab Karmana tuman sudyasi, tumanlararo sudining raisi bo‘lgan. 2019-yildan shu kunga qadar Fuqarolik ishlari bo‘yicha Navoiy viloyat sudi sudyasi lavozimida ishlab kelgan.
Eslatib o‘tamiz, bungacha Komilov Kozimjon Oliy sudi raisi sifatida faoliyat yuritib kelgan.
Izoh (0)