Ijtimoiy tarmoqlarda Nexia avtomobili haydovchisi mashinasiga ovoz kuchaytirgich (sirena) o‘rnatib, fuqarolar tinchini buzgani aks etgan videolavha tarqaldi. Yo‘l harakati xavfsizligi bosh boshqarmasi holatga munosabat bildirdi.
Ma’lum bo‘lishicha, holat Samarqand viloyatida sodir bo‘lgan. Vaziyat mas’ul xodimlar tomonidan o‘rganilib, qoidabuzar haydovchiga nisbatan tegishli tartibda ma’muriy bayonnoma tuzilgan va transport vositasi vaqtincha saqlash uchun jarima maydoniga joylashtirilgan.
