Bugun,

  • USD 11014.01
  • RUB 191.8
  • EUR 10674.78

Shimoliy Koreyaning Koreya markaziy axborot agentligi mamlakatda isitmasi ko‘tarilgan 6 kishining vafot etgani, ulardan birida koronavirus aniqlangani haqida xabar berdi.

Foto: AP Photo

Foto: AP Photo

Agentlik ma’lumotlariga ko‘ra, birgina 12-may kuni 18,000 kishida isitma alomatlari aniqlanganidan keyin 187 800 ga yaqin odam izolyatsiyaga olindi. Taxminan 162 200 kishi muolaja olgan, ammo ulardan qanchasining COVID-testi musbat bo‘lgani noma’lum.

Ta’kidlanishicha, sog‘liqni saqlash organlari test va davolash tizimini tashkil etish hamda dezinfeksiya ishlarini kuchaytirishga harakat qilmoqda. Shimoliy Koreya yetakchisi Kim Chen In butun mamlakat bo‘ylab karantin joriy etishni buyurdi.

Reuters agentligining ta’kidlashicha, virusning tez tarqalishi tibbiy resurslarga ega bo‘lmagan va xalqaro vaksina yordamidan voz kechgan, chegaralari yopiq ushbu mamlakatda katta inqiroz keltirib chiqarishi mumkin. Tahlilchilarning ta’kidlashicha, epidemiya yakkalanib qolgan mamlakatda oziq-ovqat bilan bog‘liq og‘ir vaziyatni ham yanada kuchaytirishi mumkin.

Eslatib o‘tamiz KXDRdagi COVID-19 ga chalinish bilan bog‘liq ilk holat haqida 12-may kuni ma’lum bo‘ldi. 8-may kuni Pxenyandagi bemorlardan test olingan, natijalar omikron shtammi bilan kasallanish holatini ko‘rsatgan.

Shundan so‘ng respublika hukumati “maksimal favqulodda vaziyat” uchun virusni nazorat qilish tizimi joriy etilishini e’lon qildi. Keyin Shimoliy Koreya yetakchisi Kim Chen In Siyosiy byuro yig‘ilishini o‘tkazib, virus tarqalishining oldini olish uchun barcha choralarni ko‘rishga va chegara nazoratini kuchaytirishga chaqirdi.Janubiy Koreya prezidenti ma’muriyati Shimoliy Koreya hukumatiga COVID-19 ga qarshi kurashda gumanitar yordam ko‘rsatishga tayyorligini ma’lum qildi.

Izoh
Asosiy yangiliklar
Sport
YCHL. “Bavariya” o‘z maydonida raqibini tor-mor etdi, “Marsel” 5 ta gol urilgan o‘yinda “Sporting” ustidan yirik hisobda g‘alaba qozondi
Mahalliy
“Daryo” kundaligida 4-oktabrda sodir bo‘lgan eng muhim voqealar
Dunyo
Belgorod shahri osmonida noma’lum uchqun paydo bo‘ldi (video)