Аввалроқ АҚШ Молия вазирлиги Россияга ташқи қарзини тўлаш имконини берувчи 9C бош лицензиясини янгиламаслиги ҳақида хабар берилган эди.
Шу сабабли энди Россия ташқи қарз бўйича доллардаги тўловларни рублда амалга оширади. Бу ҳақда Bloomberg хабар берди.
Ҳозирда мамлакат инвесторларга маблағ топишга ва дефолтдан қочишга ҳаракат қилмоқда.
Россия «дўст бўлмаган» халқ томонидан яратилган сунъий вазиятга дуч келмоқда. Бизда пул бор ва қарзларимизни тўлашга тайёрмиз, — деди Россия молия вазири Антон Силуанов.Вазирликка кўра, рублдаги тўловлар хорижий инвесторларнинг «С» туридаги ҳисоб рақамларига амалга оширилади, улар Россиянинг Миллий ҳисоб-китоб депозитарийсига мурожаат қилганидан кейин киришлари мумкин.
Россия 1917 йилги инқилобдан бери ташқи қарзни тўлашдан бош тортгани йўқ. OFAC қарорига қарамай, Россияда дефолтдан қочиш имконияти ҳам бор. Россия облигациялари эгаларининг аксарияти Европада ва дефолт эълон қилиш учун инвесторлар етарли бўлмаслиги мумкин.
27 май куни Россия умумий қиймати 100 млн долларга яқин тўловларни тўлаши керак: чекловларни кутган ҳолда Россия ўтган ҳафтада пул ўтказмаларини бошлади.
Умуман олганда, мамлакат 2022 йилда тахминан 1 млрд долларга яқин купон тўловларини тўлаши керак бўлади. Ҳозирда у газ, нефть ва бошқа табиий ресурсларни сотишдан тушган маблағ эвазига етарлича нақд хорижий валютага эга.
Аввалроқ Россияда дефолт хавфи ортиб бораётгани ҳақида хабар берилган эди.
Изоҳ (0)