Shavkat Mirziyoyev 23-may kuni o‘tkazilgan yig‘ilishda yoshlarning sport maktablari bilan qamrovini 1,3 baravarga oshirib, 520 ming nafarga yetkazish vazifasini qo‘ydi. Bu haqda prezident matbuot kotibi xabar qildi.
Bundan tashqari, 69 ta tumandagi sport maktablarida kamida 20 ta, 47 tasida 15 ta, qolgan 91 tasida 10 ta olimpiya sport turlariga tayyorlashni yo‘lga qo‘yish topshirilgan. Yil yakunigacha 508 ta mahallada ko‘p funksiyali sport maydonchalarini qurishga ko‘rsatma berilgan.
“Yana bir bor ta’kidlayman, yil yakuniga qadar 6 million nafar yoshlarni ommaviy sport bilan qamrab olish — bu siyosat. Qoraqalpog‘iston, Navoiy, Sirdaryo va Toshkent viloyatlari bu tashabbusni qo‘llab-quvvatlab, ishlarni yaxshi boshladi.
Bugungi selektordan, ayniqsa, tuman, shahar hokimlari va sektor rahbarlari xulosa qilib, ommaviy sportni rivojlantirish bo‘yicha ishlarni jadallashtirishi kerak. Bu borada so‘rov doimiy va qattiq bo‘ladi”, — degan prezident.
Mavzuga doir:
- O‘zbekistonda endi sportchilarni tayyorlash va saralab olish bo‘yicha yangicha tizim joriy qilinadi
- Shavkat Mirziyoyev sport maktablarida 36 ta sport turidan 10 tasigina o‘rgatilishini tanqid qildi
- O‘zbekistonda sportchilarni mahalladan boshlab tanlab olish bo‘yicha elektron platforma ishga tushiriladi
Izoh (0)