“Bavariya” hujumchisi Robert Levandovski Yevropada mavsumning eng yaxshi to‘purari bo‘ldi.
33 yoshli polshalik futbolchi Bundesliga 2021/22-yilgi mavsumidagi 34 o‘yinda 35 ta gol urgan holda “Oltin butsi”ga ega chiqdi. Robert ketma-ket ikkinchi marta eng yaxshi to‘purar maqomini qo‘lga kiritdi. Hujumchi o‘tgan mavsumda ham ushbu sovringa loyiq ko‘rilgandi.
Levandovski “PSJ” forvardi Kilian Mbappe (35 o‘yinda 28 ta gol), “Real” hujumchisi Karim Benzema (27 ta gol) va “Latsio” futbolchisi Chiro Immobileni (27 ta gol) ortda qoldirdi.
“Bavariya” bilan Bundesliga g‘olibiga aylangan Robert yozda boshqa jamoaga o‘tib ketishi mumkin. Polshalik jamoa bilan yangi shartnoma borasida kelisha olmadi. Avvalroq “Barselona” Levandovski bilan kelishuvga erishgani xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)