“Manchester Yunayted” Angliya Premyer Ligasining 38-turida “Kristal Pelas”ga 0:1 hisobida mag‘lub bo‘ldi.
Mankunianliklar hujumchisi Krishtianu Ronaldu bel sohasidagi kichik jarohati tufayli o‘yinni o‘tkazib yubordi. Ralf Rangnik shogirdlari joriy mavsum Premyer Ligada portugaliyalik yulduz ishtirok etmagan birorta o‘yinda g‘alaba qozona olmadi.
Ronaldu mavsum boshida, chempionatning uchta turi o‘ynalgandan so‘ng “Yuventus”dan “Manchester Yunayted”ga o‘tgan edi.
Shundan so‘ng u turli sabablarga ko‘ra “qizil iblislar”ning APLdagi 5 ta o‘yinini o‘tkazib yubordi. Jamoa usiz o‘tgan o‘yinlarning ikkitasida durang o‘ynagan bo‘lsa, uchtasida mag‘lubiyatga uchragan.
Krishtianu Ronaldu 2021/22-yilgi mavsum Angliya Premyer Ligasida 30 ta o‘yinda maydonga tushib, 18 ta gol va 3 ta golli uzatmaga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)